لكل من قابل لوظيفة التربية والتعليم ....

بالنسبة للمقابلة ياخت نور انا بقيت خايف منها كثير وبالذات اني ارتبك بس الحمد لله الارتباك راح لما دخلت جوا وبالنسبة للمعلومات العامة كل واحد بختلف عن الثاني يعني الله يعينكم اطلعو على تواريخ القضية الفلسطينية وشو صار فيهن والتواريخ المهة احفظوهن باليوم والشهر زي النكبة والنكسة سالوني عنها باليوم وقيام منظمة التحرير ورئيسها وسالو الي معي وين بتقع سان مورس محدش عرف وين وركزو على الكلام الي بتحكو يعني ما تفتحو على حالكم ابواب مشوهة يعني بسالو اسئلة عامة ومن خلال اجوبتك بصير يسالو فيك ويحاولو يشككو في كلامكم يعني سالني سؤال قلي انك اخذت تدريب عملي في المدارس فقلي شو استفدت منو فانا حكيت شغلات كثيرة كذب فصار يسال في شو المواد الي صعبت منها وليش مادة التكنولوجيا شطبوها من امتحان اللجنة مع انو الطلاب الي في السنة الي قبلها جاب علامات عالية وبحاولو يكذبوك يعني انا لما سالوني ليش لغو التكنولوجيا التوجيهي قلتلهم انو عشان المادة صعبة واكبر من مستوى الطلاب فرد علي واحد منهم قلي انو طلاب التوجيهي الي قدمو في 2006 جابو علامات عالية فزنقني في هالسؤال رديت عليه وقلتلو الاسئلة بقت سهلة
باختصار المهم مش الجواب المهم كيف طريقة جوابك حتى لو غلط
وان شاء الله ربنا يوفقنا جميعا

المقابلة في حدود يعني ربع الى ثلث ساعة حتى اكثر يعني من الساعة 9.30 الى الساعة 12.30 بجوز قابلونا 11 طالب بس ما تخافو لانو احنا الطلاب اقلال يعني بقو مخذين راحتهم معنا بس البنات في كل التخصصات قد الولاد عشر مرات يعني يدوب يقعدو معاكم عشر دقايق والي قابلونا ثلاث واحد مدير مدرسة والثاني موجه عادي والثالثه الي قابلتنا موجهة التربية التكنولوجية

السلام عليكم
دخلت على المقابلة بدون أي توتر ولا كأنه في شيء وجلست بعد ما طلبوا مني الجلوس بكل اريحية
اخذوا هويتي وبعد ما جلست طلبوا مني رقم الهوية لكي يعرفوا انا حافظ الرقم ولا لا ونقلتهم الرقم
اول سؤال كان تحدث عن سيرتك وقلت لهم من أين ابدأ لكم من اول ما ولدت ولا من وين قالوا من بعد التوجيهي وتحدثت في السيرة وأطل
سألوني عن تاريخ يوم الأرض وعن مناسبته ولم تكن الاجابة صحيحة نوعا ما لكن اسلوب الاجابة كان جيد ولو انا غير صحيحة
سألوني عن شيء افتخر به في بلدي
تحدثت لهم عن اعمال قمت بها باستخدام الكمبيوتر بناءا على طلبهم
احسن شيء تحدثت عن منتدانا فما كان من المقابلين إلا ان يكتبوا اسم المنتدى على اوراق ملاحظاتهم ....عملنا دعاية

سؤال خطير سألوه لاحد الطلاب وقالوا له انه سؤال اعراب
واحد ضرب واحد يساوي اثنان أو اثنين
وسؤال آخر من نفس النوع
صفار البيض ابيض او ابيضا
**
وديروا بالكم من هيك اسئلة
وشكرا لكم وبارك الله فيكم
بالتوفيق للجميع

بس بدي اسألك ما سألوك اسئلة في تخصصنا يعني في المواد اللي اخذناها في الكلية

لا اخت قطر الندى لم يسألوا أي سؤال له علاقة بالتخصص إلا انهم يسألوا أسئلة تربوية وكيفية التعامل مع بعض الحالات
----اعتقد ان المقابلة ليست للسؤال عن مواد التخصص لان ذلك تم في امتحان التوظيف
وشكرا لك
اسأل الله لك النجاح والتوفيق

مشكوووووووووووووورة يا نور


بالنسبة الي كل أسئلتي كانت أسئلة دينية وكأني متخصصة شريعة .. وفي كتيييييييير ما عرفتها


سألوني بعد سيرتي الذاتية


شو رقم هويتك غيبا ؟؟

متى وقعت اتفاقية كامب ديفيد ؟؟

شو اطول آية بالقرآن؟؟

شو أطول سورة بالقرآن؟؟

كم عدد آيات القرآن ؟؟

كم بسملة بالقرآن الكريم ؟؟

في أي سورة ورد بسملتين؟؟

اي سورة ما فيها بسملة؟؟

شو اسم زوجة ابو لهب ؟؟

شو اسم أخ سيدنا اسماعيل؟؟

ما هي السيع المثاني؟؟

ما هي مصاريف الزكاة؟؟

ما هي آخر آية نزلت على الرسول ؟؟

بعدين سألوني أسئلة تربية ::وهاي اللي يعني عرفت أجاوب عليها منيح

اول سؤال كان شو بيعنيلك ضبط الصف؟؟

وسألوني شو بتعملي لو انو المديرة أعطتك نصاب الحصص في البرنامج مضغوط وفوق هيك كمان ضافتلك مواد غير التكنولوجيا في البرنامج مثل الرياضيات أو العلوم؟؟؟ وكثير عقدولي الموضوع كل ما كنت أجاوب اشي يعقدولي الموضوع بزيادة ... يعني اذا حكيت انو برفض اذا ما كنت متقنة المادة .. كانو يحكولي واذا بخلوكي تروحي على مدرسة في منطقة بعيدة كتيييييييييير .. ... الخ

وسألوني كمان انو شو بيعنيلك التحضير وهل رح تنسخي كل السنة التحضير عن الدفتر السابق ؟؟

وسألوني هل انت مع الانترنت للشباب ؟؟

وشو بتعملي لتزيدي سرعة جهاز الحاسوب ؟؟

وليش الانتي فايروس ببطىء الجهاز ؟؟

الله يعينكم والله أسئلتكم كثيرة
انا ما سألوني نص هذه الاسئلة
يمكن لأنكم البنات اكثر من منا الذكور الله اعلم
وموفقين ان شاء الله

ههههههههههههههههههههههههههههههههه
لا حول ولا قوة الابالله العلي العظيم
كل هاذ خوف مشان مقابلة عبد من عباد اللع
فما بالكم من مقابلة رب العلمين ورب العباد الذين سيقابلونكم
ABEDHEEH
وشكرا

السلام عليكم ورحمة الله وبركاته
بالنسبة للمقابلة كانت تتضمن اسئلة تربوية بشكل عام مثل لو كنت بداخل غرفة الصف وقام احد الطلاب بسبك؟ فماذا تفعل او تتصرف؟

المقابلة كانت عامة نوعا ما لم يسألوني اسئلة في المواد ولا التخصص
اشياء خارجية ووطنية وجغرافية
والحمد لله اجتزتها بنجاح