كيف تعرف الفلسطيني من بين كل العالم

من طرف المعتر الأحد 17 مايو 2009 - 0:52

دليل :كيف تعرف الشخصالفلسطينيمن بين سكان العالم ؟؟

* بيفهم في الطب وبيشخص المرض وبيوصفلك الدوا وبيفهم في الكهرباء
وتصليح السيارات والطبخ والسياسة والقانون والواجب والدين
و الحسابات والكورة .
* بيحط الريموت كونترول في كيس نايلون حتى ما يتغبر ولا يضيع ولا يتوسخ .
* أكثر إنسان عنده عضلات قد ما أولاده أكلو منه قتل .
·بس يقعد يتفرج على التلفزيون بيضل ينقل من محطة لمحطة كل دقيقة
لان اذا ما نقل بتصيرإيده ترعاه.
* بيوقف يتكلم على الباب نص ساعة بعد إنتهاء الزيارة والسلام .
* في خزانة المطبخ عنده عشرين مرطبان مربى فاضي منشان اذا
احتاج يستخدمها .
*ييجي بعد الموعد بساعة بدون اعتذار.
* يتكلم بصوت عالي في المكالمة الدولية منشان التاني يسمعه.
* بيعتبر حاله أفضل واحد في الشراء والمفاصلة ثم يكتشف إن يكتشف انه اهبل واحد لان الشي في المحل
اللي جنبه أرخص من غير مفاصلة.
* بيحتفظ بأكياس محلات اللبس والأحذية وورق الهدايا تحت فرشة التخت لسنوات[b][b] .[/b][/b]
*عنده صينية مكسرات مقسمة لتلات او أربع أقسام منشان المزاج لكن لايستخدمهاابدا.
*بيشتري قبل الإفطار في رمضان مواد استهلاكية متوفرة عنده في البيت[b][b] .[/b][/b]
* عنده منقل شوي للرحلات وسياخ طبعا ومولع فحم وعدة رحلة كاملة وخلافه
موجودين بالسيارة كجزء أساسي من حياته الأسبوعية .
* أول ما يشوف منظر طبيعي وزرع وخضار بصير يحكي بينه وبين حاله ( بدها هش ونش ) .
.
* لو كان هو واصحابه في مطعم او كافيه بيعزر عالدنيا وقت دفع الحساب علشان بدو ينتخي ويدفع.

* بيفرش شرشف التخت على طقم الكنبايات منشان الكنباية ما تتوسخ، ولما
يجوا الضيوفيترك الشرشف وما بشيله.
* بيطفي سيجارتو بفنجان القهوة مع انو في منفضة قدامه على الطاولة .
* دايما بدور على الاشي الكويس والرخيص وابن الناس وبموت في اشي اسمه " لقـــطة "
* بفهم بالسياسة ورأيو دايما هو المزبوط وكل العالم خونة والقضية باعوها وقبضو حقها.
* دايما هو أكثر واحد عنده كرامه في العالم وباقي الناس ممكن تتنازل عن شي من كرامتهم اما هو فلا يمكن.
* دايما بوصي اولاده " اوعى الناس تضحك عليك .. واكيد طول نهاره بيذل اولاده
وبقولهم شوف ابن فلان احسن منك وعامل مقارنة بينهم وجايب لولاده احباط.
* بتفوت عنده في المطبخ راح تلاقي " تنكة زيت زيتون" , " نصية جبنة " ,
" تنكة زتون غير المراتبين اللي فيها زتون " بالاضافة للاعشاب
هاي " زعتر نوعين عالاقل , ميرامية
وبكون حاططهم في خيشه , انواع متفرقة من الاعشاب " لكي
يمارس الطب فيها على البشر.
* اكلاته المفضلة " قلاية البندورة" واكيد لازم يدعي انه مافي حدى بيعرف يعملها زيوو
ودائما بيفتخر فيها وبيفتخر في قرنين الفلفل اللي بيحطهم عليها
وبضل يحكي عنهم قديش بيحرقو وتعتبر من الاكلات اللي بتناسب جميع الأوقات وكل
الاماكن يعني ممكن يفطر او يتعشى او يتغدى عليها كلو بصير مع قلاية البندورة
لامستحيل ابدا, طبعا بالاضافة للاكلات الاخرى زي المجدرة , شوربة العدس وطبعا بيحاول
يفهم اولاده دايما على السفرة قديش هي مفيدة واذا واحد رد عليه وقلو اللحمة يابه
كمان مفيده بظربه قتله وبقوله قوم عن السفرة على اساس انه طارده من على سدر منسف
واكيد اخوانه بصيرو يطلعو عليه وبستجريش حدا يحكي مرة ثانية على الاكل انو مش زاكي.
* "قتلة الاولاد ماقبل النوم" هي بمثابة قصة ماقبل النوم عند الشعوب الاخرى
لان القتل قبل النوم هو اسهل وسيلة فعالة للنوم السريع علشان هيك بس يكبرو
اولاده بتمسحو وببطلو يحسو بالقتل اللي بوكلوه وطبعا لازم هو ومرتو يفتخرو
قدام الناس ويحكو عن القتلة اللي الاب طعماها لابنو والمصيبة
انو الابن بكون بسمع ومبسوط انهم بحكو عنو .
* كل مايشوف محل شغال كويس بصير يحسب للمحل قديش بطلع في الشهر
واكيد تراوده " في احلام اليقضه " فكرة انو بدو يفتح محل وبدو يعمل مشروع
كل ماشاف واحد صار معاه شوية مصاري وبضل طول عمره يحلم ويفكر قي هالاشي
ولاكن تبقي كلها في احلام اليقضة تتوارثها الاجيال جيل بعد جيل
* لازم كل مايروح اجازة على الاردن او يمر منها يروح على مطعم هاشم وعلى
حلويات حبيبة اللي في وسط البلد اعتقادا منه انه همه تحديدا احسن ناس
بتعمل اكل وعلشان بس يطلع من الاردن يحكي اني رحت.
* طبعا في المجلس دائما بتكلم عن الفرص اللي صحتلو زي قطعة الارض
اللي نعرضت عليه قبل عشر سنين وكان سعر المتر دينار وهسة سعر المتر 5000 دينار
وانو نعرض عليه جبل كامل بعشرين ليرة بس هو ما رضي فيه وهسة طبعا
الجبل هادا هو بكون الجبيهة والا عبدون والا الشميساني .
* لما يحكي بيخلص القصة وهو يقول شو بدي احكيلك لأحكيلك يا زلمي

ههههههههههههه هههههههههههههههههههههههههههههههه هههههههههههههههههههه
مشكور جدا أخي في الله " المعتر " على الموضوع
تحياتي لك ... بقايا حلم

يسلمو حبيبي المعــــــــــــــــتر ... على الموضــــــــــوع
كلام في محـله .... منو الايجابي ومنو السلبــــــــــــــــــــــــــــــــــــي

لكن بيضل الفلسطيني

صحيح عنا هاي الصفات بنضل احسن من غيرنا
بس ضحكت من قلبي على حالنا

كيف تعرف الفلسطيني من بين كل العالم

كيف تعرف الفلسطيني من بين كل العالم

رد: كيف تعرف الفلسطيني من بين كل العالم

رد: كيف تعرف الفلسطيني من بين كل العالم

رد: كيف تعرف الفلسطيني من بين كل العالم