كيف حال ابوك

التقى صديقان بعد غيبة طويلة..

قال الاول : كيفك يا زلمه وكيفو أبوك إن شاء الله تحسن؟

صار لي سنين ما شفتك

الثاني: أنا ماشي حالي الحمدلله بس الوالد عطاك عمرو

الأول: العمر إِلَك.. بعرف كان عندو القلب يالله الله يرحمو

الثاني: بس والله ما مات من القلب

الأول: معقول هالحكي؟! كيف توفى؟

الثاني : الله يرحمه بآخر فترة ضعف نظره كتير

مرة طلع ع البلكون ما شاف الحفة وقع وبتعرف بيتنا تالت طابق

الأول : لَهْ لَهْ على هالموتة، بكل الأحوال الله يرحمه.

الثاني : والله تعذبنا فيه كتير وعملنالو شي 12 عملية لغاية ما َتْحَسَّن

الأول : لكان كيف توفى؟!

الثاني : صار يحمل عكازة ومرة عم يقطع الطريق، سيارة مسرعة خبطتو

الأول: يَهْ يَهْ يا لطيف ... الله يرحمه

الثاني : ربك رحيم كان فيه جار إلنا حطو بالسيارة

ولحقه ع المستشفى بس النزيف الداخلي كان رهيب

الأول : الله يرحمه بكل الأحوال

الثاني : بس سفرناه على إسبانيا وضلينا شي 6 أشهر عم نعالج فيه والحمد لله تحسن

الأول : طيب كيف مات !!

الثاني : صار معو فشل كلوي حاد وصرنا ندور على متبرع كلية وتأخرنا وصار معو تسمم

الأول : الله يرحمه ارتاح

الثاني : بالصدفة إجا شخص

بيعرفه من زمان تبرع له بالكلوة بآآآآآآآآخر نفس

الأول : لكان كيف مات !!

الثاني : والله مرة بالبيت وهو قاعد ما انتبه ع الغاز احترقت الشقة وهو لحالو فيها

الأول : يا لطيف على هالموتة ما أبشعها الله يرحمه

الثاني : بس والله جارنا الله يجزيه الخير كسر باب البيت ولحقه بآآآآآآآخر لحظة

الأول : لَكْ فهمنا كيف مات !!

الثاني:

((( والله اضطرينا نطخُّه آخر شي )))

هههههههههههههههههههههههههههههههههههه
الله يرحمنا برحمته لواسعة
اللهم آمين
مشكور أخونا المعتّر
والله حال ( هالزلمة) مع (أبوه) معتّر

حل ذكي لمثل هذا الرجل .
وعلى كل الله يرحمه ويرحما أجمعين

هههههه يا حرام معقول مات بعد ما طخووه
بارك الله فيك اخي المعتر وجزاك الجنة
وربنا يرحمه ويرحمنا جميعا
أمين يا رب

×?°! أسوأ المشاعر !°؟×
أن يصبح مصيري في يد من لا يعرف قدري ... وأن أنام خائفاً
من أن أمسي ومنزعجاً من يومي ومتحسراً على ماهو آتي !!

لقد اعجبتني هذه المقوله

ومشكورين كلكوا

abedheeh